3 шүүлтүүр /сургамж/

Нэг хүн Сократаас, -“таны тухай найз чинь юу хэлсэнийг мэдэх үү?” гэж асуужээ. Сократ, түүнийг, -“түр хүлээ, эхлээд хэлэх гэж буй зүйлээ, гурван шүүлтүүрээр шүүгээд хэл” гэхэд, өнөөх хүн –“юун гурван шүүлтүүр?” гэж асуув. Сократ: -Эхлээд аливаа зүйлийг хэлж ярихаасаа өмнө гурав удаа шүүж, тунгаах хэрэгтэй байдаг. Эхнийх нь “үнэн”-ий шүүлтүүр. Чи, найзын маань ярьсаныг үнэн гэдэгт итгэлтэй байна уу?
-Үгүй, би зүгээр л сонссон.
-Тэгвэл чи, үүнийг үнэн эсэхийг мэдэхгүй юм байна. Одоо хоёрдох шүүлт, “сайн санаа”. Чи, одоо миний найзын талаар сайн зүйл хэлэхийг хүсч байгаа юу? Тийм үү?
-Үгүй, эсрэгээр.
-Тэгвэл, чи, найзын минь тухай “үнэн” хэлсэн гэдэгт бүрэн итгэлгүй хирнээ, муу зүйл хэлэх гэж байгаа юм байна. За, тэгвэл гуравдах шүүлтүүр “ашиг тус”-тай эсэхээр шүүе. Чиний хэлэхийг хүссэн зүйлийг би заавал сонсох шаардлагатай юу?
-Үгүй, шаардлагагүй гэж бодож байна.
-Тэгэхээр, чиний хэлэх гэж буй зүйл “үнэн” биш, “сайн санаа”-гүй, “ашиг тус”-гүй зүйл байна. Хэлж яах юм бэ? гэсэн ажээ.

Мэдээ таалагдаж байвал манай хуудсанд "LIKE" дарж илүү олон шинэ мэдээ мэдээлэл хүлээж аваарай.