Амьдралынхаа өдөр бүрийг хэрхэн аз жаргалтай болгох вэ?

Францын гүн ухаантан, багш Омраам Микаэль Айванхов, бүх насаа хүн ба түүний өөрийгөө хөгжүүлэх асуудлыг судлахад зориулсан бөгөөд түүний эрдмийн ажлууд, хүний төгс сайхан амьдрал нь, зөвхөн өөрийгөө таних, амьдралаа зөв зохион байгуулахтай холбоотой байдаг болохыг нотолж өгсөн байдаг. Тэрээр, өдөр бүрийг эхлэхдээ, хэсэг хугацаанд сайн сайхан зүйлд бодол санаагаа төвлөрүүлэн, бясалгал, мөргөл залбирал хийж, хүн ба ертөнцийн зохилдлогоог сэргээж байхыг зөвлөн, яг энэ үед хүн, шинэ хүчээр сэлбэгдэж байдаг ба шөнийн харанхуйд хүн заавал гэрэл гаргаж байж аливаа зүйлийг олдогийн адил, өдөр бүрийг ийм маягаар эхэлж занших нь аз жаргалтай амьдралд хөтөлнө гэж сургажээ. Гэрэл гаргахгүйгээр, харанхуйд тэмтчихтэй адил, амьдралд олон хүн алддаг болохыг харамсан тэмдэглэсэн байдаг аж. Тиймээс, өглөө бүр таны бодсон сайн зүйлс, зорилго хүсэл, хийсэн бясалгал, мөргөл, залбирал, уншлага тэр өдрийнхөө бүх ажил үйлс, үйлдэлийг тань зохион багуулалттай, эмх цэгцтэй, утга агуулгатай бурханлаг болгож өгдөг байна. Зөвхөн нэг өдрийг, өнөөдрийг та, сэтгэлдээ хүртэл сэтгэл хангалуун байхаар өнгөрүүлэхийг хичээ, энэ нь, дараа дараагийн өдрийг мөн адил болгох дасгал чинь болж өгөх юм. Өглөөний бодлууд ийм байж болох юм: -Өнөөдрийн хором бүрийг би, ухамсарлан хүлээж авч амьдарна. –Өнөөдөр би, ойр дотныхон, орчин тойрныхноо өдөржин баярлуулна. –Өнөөдөр би, орчин тойрныхон минь хийж буй зүйлсээс зөвхөн сайн талуудыг анзаарна. –Өнөөдөр би, таарсан уулзсан хүн бүрт тааламжтай сайн зүйл хэлэх, хийх болно. –Өнөөдөр би, гадуур явах үедээ орчиныхоо сайхан зүйлсийг анзаарах болно. –Өнөөдөр би, хамгийн дуртай дуу, хөгжимөө өдөржин сонсох болно. –Өнөөдөр би, сэтгэл санааг минь сэргээх сайхан зйүлсийг эрж хайж, олж өөрийгөө эрхлүүлнэ. –Өнөөдөр би, зөвхөн өөрт таалагддаг сайхан хоол хүнс хэрэглэнэ. –Өнөөдөр би, өөрийг минь, ухаантай, авъяаслаг, сайн, хөөрхөн, сайхан гэдэг талаас нотлох баримтуудыг өөрөөсөө эрж хайж олно. Эдгээр бодлуудыг өөрийн болгоод, өглөө бүр бодох, мэддэг тарни мааниа унших, бясалгал хийх зэрэг нь, таныг аз жаргалтай болгоод зогсохгүй амьдарлыг тань эмх цэгцтэй, амжилтай, хүссэндээ хүрдэг болгож жинхэнэ аз жаргалтай болгож, мөнхийн аз жаргалд хүргэнэ. Та, хойш тавилгүй зөвлөгөөг дагаарай. Хэрхэн өөрчлөгдөж буйдаа, өөрчлөгдсөндөө талархахаа мартав.

Мэдээ таалагдаж байвал манай хуудсанд "LIKE" дарж илүү олон шинэ мэдээ мэдээлэл хүлээж аваарай.