Хүслийн мод

Нэгэн аянчин явсаар, санамсаргүй, ховроос ховор байдаг хүсэл биелүүлдэг модны доор ирж суун эцэж ядарсандаа сүүдэрт нь унтчихжээ. Тэр, тэрхүү модыг ид шидтэй хүсэл биелүүлэгч гэж огт мэдээгүй байсан бөгөөд унтаж сэрээд, -“Өлсөж байх чинь, ....идэх юм байсан ч болоосой” гэж бодтол, төрөл бүрийн хоол бий болов. Өнөөх хүн, хаанаас бий болсоныг ч бодох сөхөөгүй идэж эхлэв. Юм уумаар болтол, урд нь цэвэр тунгалаг устай домбо бий болов. Идэж ууж ханаад, өнөөх хүн маань, юм бодох сөхөөтэй болж, “Хаанаас хоол, уух юм гараад ирэв ээ? Энэ ч гарцаагүй муу сүнснүүдийн илбэ жилбэ бололтой” гэж бодтол, эргэн тойронд нь араа шүдээ ярзайлгасан аймаар амьтад гарч ирэв. Айсан даа өнөөх хүн “ эд нар намайг алах нь” гэж бодтол, тэр зүйлс түүнийг алжээ. Буруу бодол, хүслийн нигуур ийм бөлгөө.

Мэдээ таалагдаж байвал манай хуудсанд "LIKE" дарж илүү олон шинэ мэдээ мэдээлэл хүлээж аваарай.