Урдны зүйлс ултай

Эдгээр ёс заншил, зан үйлүүд маш эртнээс улбаатай бөгөөд эртний хүмүүс, өөрсдийн орчин тойрон, хүрээлэн буй байгаль дэлхий, юмс үзэгдлийн учир утга, хоорондын уялдаа холбоог нь олохыг оролдож, амьтай, амьгүй биет, үйл явдал, тохиолдлуудыг хооронд нь холбож үзэн ажиглахад их анхаарч, цаг хугацаа зарцуулдаг байснаас үүссэн гэж үздэг. Сонирхолтой нь, олонхи ёс заншилууд, олон орны ард түмэн, янз бүрийн шашин шүтлэгтэй хүмүүсийн дунд ижил төстэй байдаг. Монголчуудын хувьд, эсгий гэр нь тойрог хэлбэртэй учраас, үүд рүү чиглэсэн байдлаар ор тавих боломжгүй байдаг, магадгүй, үүнийг урдны ухаант мэргэн өвөг дээдэс маань тооцсон байхыг ч үгүйсгэх аргагүй юм. Эртний Скандинавын орнуудын ард түмэн үүд рүү хөлөөрөө харж унтахыг мөн л эртнээс цээрлэсээр ирсэн бөгөөд одоо ч мөрддөг гэнэ. Эртний энэтхэг, европчууд, хорвоо ертөнцийг 3 хэсэг гэж хуваан, нэг дэх хэсэг нь, хоёр дох хэсэг болох, тодорхойгүй зүйл, аюул, аймшигт зүйлсээр дүүрэн гадаад орчин буюу Удгардаар хүрээлэгдсэн Мидгар буюу хүмүүсийн дотор нь амьдарч буй орон гэр, харин гурав дах хэсгийг Бурхадын орон Асгард гэж үздэг байжээ. Тиймээс тэд, гэр орноо хана болон хаалгаар, Удгардаас хамгаалагдсан Мидгар гэж үздэг байснаас хаалгыг, гадаад орчин, нөгөө ертөнцөд орох үүд гэж үздэг байсан бөгөөд унтах үедээ хөлөөрөө үүд рүү харж унтахыг хориглодог байсан нь, унтахыг үхэлтэй зүйрлэн, “богино үхэл” гэж үздэг, хүн унтах үед сүнс нь салж өөр орон зайд ордог, биеэс салсан сүнс шууд хаалгаар гарч, буцаж ирэхэд бэрх, өөр орон зайд орно гэх мэтээр ихэд болгоомжлон авч үздэг байжээ. Харин нас барсан хүнийг хөлөөр нь гаргаснаар сүнс нь шууд очих газартаа явдаг гэж үздэг ажээ. Хүн унтах үедээ, хаашаа харж унтах нь тухайн хүний сонирхол хэдий ч, “Урдны юм ултай” гэдэг үгийг санаж явахад илүүдэхгүй биз ээ.

Мэдээ таалагдаж байвал манай хуудсанд "LIKE" дарж илүү олон шинэ мэдээ мэдээлэл хүлээж аваарай.