Гадаадад суралцах сонирхолтой хүмүүст сонирхуулахад...

Oct 06, 2016 - by Baigalmaa

Бид, гадаад оронд суралцах асуудлыг, зөвхөн их мөнгөтэй байж л шийдэх боломжтой гэж боддог. Мөнгө хийж, эсвэл үнэт зүйлээ зарж байж бүтэх зүйл, хэмээн хий мөрөөдөж суудаг. Гэтэл, гадаадын олон улс орны их, дээд сургуулиудад, гадаадын оюутныг төлбөргүй сургаад зогсохгүй, замын зардал, хоол байр, сар бүрийн тэтгэмжээр ханган суралцуулдаг хөтөлбөрүүд явагдаж байдгийг мэддэггүй байна. Мэдээж, хүссэн бүхнийг хүлээн авахгүй нь ойгомжтой, тодорхой хэмжээний шалгуур тавьдаг. Зорилготой, сурах чин эрмэлзэлтэй хэн нэгний өмнө энэ үүд нээлттэй байх нь гарцаагүй. Сонирхож, судалж үзэх сургуулиудыг танилцуулж байна.

Англи. Английн боловсрол, дэлхийд хамгийн сайнд тооцогддог. Энэ улсад, гадаадын оюутан суралцуулах, засгийн газрын Chevening хөтөлбөр хэрэгжиж байдаг. Хөтөлбөрийн нэг сул тал нь, төгсөөд 2 жил ажиллаад, эх орондоо буцах шаардлага тавьдаг.
Герман. Энэ улс архитектур, дизайн, эдийн засгийн чиглэлэр суралцахыг хүсэгчидэд найр тавьдаг. Магистрантуудыг солилцох DAAD хөтөлбөрийн тухай сонссон байх. Энэ хөтөлбөрт хамрагдан суралцсан хүмүүс, төгсөөд германд үргэлжлүүлэн ажиллах эрхтэй байдаг, давуу талтай.
АНУ. Фулбрайт хөтөлбөр. 30 нас хүрээгүй оюутнуудыг хамруулж тэтгэлэг өгдөг. Гадаадын оюутнуудыг гэр бүлд нь виз өгч, хамт амьдрах болоцоогоор хангахаас гадна гэр бүлд нь ажиллах эрх өгдөг.
Франц. Шинжлэх ухаан-технологи, инженерчилэлийн чиглэлийн мэргэжлүүдийг дэмждэг. Францын засгийн газрын тэтгэлэгт хөтөлбөрүүд зарлагддаг. Швед. Visby тэтгэлэгт хөтөлбөр, нэг жилийн хугацаатай хэрэгждэг бөгөөд, сурлагын амжилт, хичээл зүтгэлээс шалтгаалж сунгах эсэхийг шийддэг. Өндөр стипенд олгодгоороо гайхагддаг.
Нидерланд. Orahge Tulip Scholarship хөтөлбөр. Энэ хөтөлбөрийг, энэ улсын 18 их дээд сургууль хэрэгжүүлдэг. Хамгийн өндөр тэтгэлэг өгдөг нь, Дельфийн их сургууль гэдэг. Сар бүрийн стипенд 850 евро байдаг.