Орчин үеийн харилцааны соёл

Nov 15, 2016 - by Nimo

Харилцааны соёл нь хэдийгээр, танаас шаардаагүй ч хэрэгжүүлж байх ёстой биеэ зөв авч явах соёл юм. Орчин үед, бид, цаг үеэ дагасан энэхүү соёлыг мэдэхгүй, мөрдөхгүй байх нь өөрийнхөө байр суурийг алдах, эвгүй байдалд орох, адил хэмжээний хариу үйлдэлд өртөх зэрэг олон таагүй зүйлийн шалтгаан болох нөхцөлд амьдарч байна. Харилцааны соёлын үндэс нь дагаж мөрдөхөд хялбар зүйл бөгөөд ярианы соёл, наад захын найр тавих ёс, аятайхан цэвэрхэн гадаад үзэмж, сэтгэл хөдлөлөө удирдах чадвар зэргээс бүрддэг. Ингээд өөрийгөө хүндэлдэг, үнэлдэг хүн бүрийн мэдэх ёстой зарим зүйлсийг хүргье.

-хэрэв хэн нэгэн танд доромж хандвал, адилхан хариу үйлдэл бүү хийгээрэй. Та, өөрийгөө түүний түвшинд бүү аваач. Тайван инээмсэглээд, хүмүүжилгүй хүнээс даруйхан холдсон нь дээр. Энэ бол таны ялалт.
-гадуур эмэгтэй хүнтэй явахдаа, эмэгтэйнхээ зүүн гар талд явах хэрэгтэй. Цэргийн хүмүүс харин баруун гар талд нь явдаг. /ёсолгоо хийдэг тул/
-үнэртэнг хэт ихээр бүү хэрэглэ. Оройдоо үнэртэж байвал их хэрэглэсэн гэсэн үг.
-та дарга, настай хүн, эрдэмтэн доктор хэн ч байсан орсон газартаа түрүүлж мэндлэх хэрэгтэй
-хаа нэг газар очихдоо урьдчилан мэдэгдэж байж очих
-хэт чанга инээх, хэн нэгнийг тогтож харах, сонжих нь бүдүүлэг зан
-хэн нэгэн бүдүүлгээр “хөөе!” гэсэн үгээр танд хандвал, бүү харьц
-эмэгтэй хүний биед хамаагүй хүрдэггүй
-үзвэрийн газарт, үзэгчдийн суудал дундуур, эрэгтэй нь түрүүлж, сууж буй хүмүүс рүү харсан байдлаар явж суудал руугаа очно
-ресторанд төлбөрөө хийх хүн түрүүлж орно
-хамт явж буй хүн тань хэн нэгэнтэй мэндэлвэл мөн та ч мэндлэх хэрэгтэй
-эмэгтэй хүнийг уулзалт, болзоонд урихдаа хэрхэвч мессежээр урьж болохгүй
-гар утсаа тэр бүр, бусдын нүдэн дээр ил тавьж хэрэггүй, утаснаас хамааралтай, бусдыг үл хүндэлж буй мэт сэтгэгдэл төрүүлнэ.
-яриан дунд, нас, эд хөрөнгө, гэр бүлийн асуудал, шүтлэг, эм тан, дурлалын харьцаа, бэлэг, хүндлэл авралын талаар тэр болгон ярьдаггүй, нууц байх ёстой аж.
-бусдын зурвас захианд бүү хүр