Архи спиртыг цуснаас хурдан гаргах аргууд

Баяр ёслол, үдэшлэг цэнгүүнийг, спиртлэг ундаагүй тэмдэглэхээ больсон цаг үед бид амьдарч байгаа билээ. Баярын маргааш бие сул, ажиллах чадвар буурч, аль болох архи спиртийг бие организмаас хурдан гаргах асуудал тулгардаг нь нууцгүй. Гэхдээ, архийг цуснаас бүрэн гаргах боломжгүй нь тодорхой юм. Эмнэлгийн шинжилгээгээр илрэх нь дамжиггүй. Харин спиртийн этанолыг бие организмд хортой нөлөөлүүлэхгүйн тулд, өөрөөр хэлвэл архины шарталтыг дарахын тулд дараах аргуудыг хэрэглэж болох юм. Архины хорыг гаргах хугацаа, биеийн байдал, элэгний эрүүл эсэх, яс үндэс, хүйс гэх мэт олон зүйлээс шалтгаалдаг. Эрэгтэй хүний биеэс архины хорыг цэвэрлэх хурд 1/10 промилл, харин эмэгтэйчүүдийнх 9/10 промилл байдаг байна. Архи хүний биеэс арьс, уушигаар дамжин уурших, мөн бөөрөөр гадагшилдаг. Архины хор буюу шарталтыг гэрийн нөхцөлд тайлах аргууд: -их чихэртэй цай, кофе хорыг гадагшлуулж шар тайлна. Зүрхний асуудалтай хүмүүс газгүй рашаан, алим, апельсины сок уух
-саун, ууранд ороход арьсаар гадагшилна. Мөн цэвэр агаарт алхах, хөдлөхөд хөлсөөр гарна.
-архи цусанд ортлоо ходоодонд уддаг, тиймээс ус ихээр ууж цусанд орохоос нь өмнө бөөлжиж гаргадаг.
-гэдэсний эм “хар нүүрс”, гэдэс дотрыг архины хороос цэвэрлэнэ
-архины шарталтын үед хүн калиар маш их дутагдсан байдаг тул калиар баялаг, банан, яншуй, хасарваань, төмс, кетчуп идэж хэрэглэх хэрэгтэй
-исгэлэн сүүн бүтээгдэхүүн маш тустай байдаг
-унтахад хордлого тайлагддаг
-гаа, таван салаа, нохойн хошууны ханд, цай хордлогыг сайн тайлдаг
Хэрхэвч архиар шар тайлж болохгүй. Гүн хордлогод орж, кали магнийн хэт дутагдлаас эрүүл мэндэд нөлөөлөн өвчлөл, гунигт байдалд хүргэдэг.

Мэдээ таалагдаж байвал манай хуудсанд "LIKE" дарж илүү олон шинэ мэдээ мэдээлэл хүлээж аваарай.