Үнэрийн нөлөө

Харах, сонсох мэдрэхүйтэй харьцуулахад үнэрийг хамгийн үнэнч мэдрэхүй гэж үздэг. Мөн хүний өдөр тутам амьсгалж буй агаар, үнэр, хүний оршихуй, оюуны хөгжилд ихээхэн нөлөөлдөг байна. Аглаг байгальд, далайн эрэгт амрах нь хүний эрүүл мэндэд онцгой сайн нөлөөлдөг бөгөөд үнэр нь аливаа юмсийн жинхэнэ мөн чанарыг харуулдаг гэж үздэг. Ургамал, байгалийн үнэр бол өөрсөдөд нь агуулагддаг эфир буюу нэгэн төрлийн дэгдэмхий хий юм. Үнэр эмчилгээг, эрт дээр үеэс Египт, Хятад, Энэтхэг, Вавилонд ашигладаг байсан бөгөөд хүмүүс өөрсдөө, өөрийн амьдралд хэрэгжүүлж болдог гайхалтай урлагийн хэмжээний, шинжлэх ухаан дээр тулгуурласан эмчилгээ гэж үзсээр иржээ. Үнэрийг хүний сэтгэлийг нээж, оюун ухааныг өсгөн, сэтгэл санааг өргөдөг гэж үздэг. Анхилуун сайхан үнэрт орчин ямар ч хүний сэтгэлийг засах нь ойлгомжтой юм. Сэтгэхүйд нөлөөлөх нөлөөллөөрөө үнэр нь, сэтгэл зүйчийн сэтгэл заслын эмчилгээнээс илүү байдаг байна.

Мэдээ таалагдаж байвал манай хуудсанд "LIKE" дарж илүү олон шинэ мэдээ мэдээлэл хүлээж аваарай.