Бусдын тухай муугаар бодох нь амьдралд нөлөөлдөг

Мөн бусдыг шүүмжлэх нь маш хортой бөгөөд, хэн нэгнийг шүүмжилснээр, өөрийн эерэг “карма”-г өгч, шүүмжилсэн хүнийхээ муу “карма”-г өөртөө авдаг байна. Оюун ухааны түвшин нь дорой хүн, шүүмжлэлийг хүлээн авч чаддаггүй ба хичнээн буруутай байсан ч, шалтаг шалтгаан тоочиж өөрийгөө зөвтгөж байдаг. Тиймээс, шүүмжлүүлэх нь тустай, шүүмжлэлийг сайнаар хүлээж авч сурах хэрэгтэй гэж эртний Риг-н сургаалд заасан байдаг бөгөөд үг яриа, хүний “карма”-д хэрхэн нөлөөлдгийг, хүн, ямар нэг зүйл төлөвлөөд, түүнийгээ бусдад хэлчихвэл, биелэх магадлал нь 80% багасдаг, нэн ялангуяа атаархуу, шуналтай хүний нөлөө хүчтэй байдаг гэж үздэг байна. Үгээ бодож хэлдэг, бага ярьдаг хүмүүс энергээ алддаггүйгээс амжилттай байдаг гэнэ. Хэрэв хэн нэгэнд сайн зүйл хийгээд, түүнийгээ бусдад гайхуулан ярьвал, энэ үедээ эерэг “карма”-гаа гээхээс гадна сайн үйлийнхээ сайн үр дагаврыг ч мөн алддаг гэнэ. Тиймээс өөрийн амжилт, сайн зүйлийг ярих хэрэггүй гэдэг аж. Бодол нь, үг яриаг тодорхойлдог бөгөөд бодол сэтгэхүй замбараагүй байх нь үг яриагаар илэрч байдаг тул, тодорхой цэгцтэй бодолтой хүн мөн цэгцтэй яриа хөөрөөтэй байдаг. Зөв, цэгцтэй ярьж сурахын тулд, хэлэхээсээ өмнө, нөхцөл байдлаас шалтгаалан, ямар ч тохиолдолд, 5-10 секунд хэлэх зүйлээ бодох, түдгэлзэх, 10 хүртэл тоолох зэрэг аргууд байдаг бөгөөд ингэснээр сэтгэл хөдлөлөөрөө аливаад хандах, алдаа гаргахаас сэргийлдэг. Ухаалаг, хүлээцтэй, өөрийгөө танихыг зорьж буй хүн маш бодолтой ярьдагаараа ялгардаг. Гэхдээ хэт туйлшралаас зайлсхийх хэрэгтэй ба төрлөхийн яриа хүн өөрийгөө хүчээр хорих хэрэггүй бөгөөд ярьж хэлж буй зүйлсийнхээ эерэг агуулгад анхаарч байх хэрэгтэй байдаг байна. Ухамсарт суурилсан сайхан сэтгэл, илэн далангүй байдал бидний хамгийн үнэт чанар юм.

Мэдээ таалагдаж байвал манай хуудсанд "LIKE" дарж илүү олон шинэ мэдээ мэдээлэл хүлээж аваарай.